تحذير للجميع ⚠️🚨 محدش يخفف الملابس حالة الطقس الايام القادمه حتي عيد الفطر
تحذير للجميع ⚠️🚨
محدش يخفف الملابس فى العيد ولا بعده حتى لو الجو حر بعد اذنكم محدش يخفف لأن لو حد خفف يبقا يستحمل البرد اللى يحصله بعد كده الفترة الجاية الجو متقلب جدا و هنزلكم منشور تانى لتوقعات العيد على يوم الثلاثاء القادم إن شاء الله حذرتكم كتير و هفضل احذركم من اللى جاى علشان محدش يتعب و يستهون بالجو ⚠️
حالة الجو الفترة الجاية باذن الله لحد العيد ؛ علشان الناس يهمها الفترة دي قوي ..
المنخفض الجوي البارد الحالي ☁️ نهايته يوم الاحد الجاى 23 مارس ، طبعا حاسين بلمسة برد حاليا لإن درجات الحرارة في رينج بين 18 لـ بداية العشرينات مع نشاط الرياح 🌬 وده الـ مزود احساس البرد ، كل ده هينتهي الاحد.
فيه مرتفع جوي هيسيطر على مصر من يوم الاتنين 24 مارس ، هيسبب ارتفاع ملحوظ في درجات الحرارة لأواخر العشرينات وبداية التلاتينات ☀️ ، وقمة الارتفاع هيكون يوم الاربعاء والخميس ، هييجي واحد يقول وقتها اوبا الشمس مدورة وجميلة وسخنة اهي اما اطلع النص كم 🥹 ، هرد واقولك من يوم الجمعة منخفض جوي جديد وانخفاض في درجات الحرارة 😋🙊.
اسبوع العيد هيكون لطيف ، حرارة في رينج العشرينات ، جو رايق يخليك تعمل اى حاجة يا سيدي ❤ صلاة وفسح وخروجات وزيارات والـ انت عاوزه بدون ما تبقا سقعان ولا حران بس تلبس شتوي عادي ❤ ، بعد العيد بقة هنرجع لسقوط الامطار تاني والاجواء الشتوية الأكتر 😍🌧.
دا باختصار ملامح الجو الاسبوعين الجايين ، والله أعلى وأعلم ❤
حالة الجو
الأسبوع ده بارد بإذن الله لحد يوم الثلاثاء .. والسبت هيبقى الليل بارد جدا والصغرى ٨ درجات
بداية من يوم الأربعاء ..
هنشوف موجة شديدة الحرارة وهتخلي سطح الأرض يكون ساخن جدا والحمل الحراري هيوصل لأقصى القيم بتاعته ودرجة الحرارة هتعدي ٣٦
جو العيد
بعد موجة البسترة الحارة قبل العيد هنتفاجئ بجبهة هوائية باردة هتخش بشكل عمودي في ظل وجود الجبهة الهوائية الحارة وبالتالي هيحصل تصادم بينهم مما يشكل ثوران للسحب الرعدية على مناطق مختلفة من مصر
وخصوصا عند مناطق التصادم بين الجبهات الهوائية اللي ديما بتشوف في الحالات المركبة أقوى هطول للأمطار وحدة في نشاط العواصف الرعدية
في حالة ثبات الحالة بالشكل ده هتكون مناطق كتيرة ممطرة من مصر مع اخر يوم رمضان ومع بداية عيد الفطر المبارك ان شاء الله
والحالة تحت المتابعة
توقعات العيد ❄️🔥⛈️🌧️
—————————————-
متوقع بداية عيد الفطر فلكيا يوم 30 أو 31 مارس
قبل اى حاجه التوقع اللى هقوله دلوقتي ده لسة مش اكيد حدوثه و وارد يحصل تغيرات بالنسبة للأمطار و الحرارة لكن التوقعات دى ثابتة نسبيا بالنسبة لآخر الشهر لكن بداية الشهر القادم لسة مفيش ثبات
من يوم الاحد القادم هترتفع الحرارة و هيحصل موجة حارة أقوى من اللى فاتت لأن هتوصل الحرارة إلى 37 و 38 درجة 🔥
من يوم 29 مارس هتنخفض الحرارة الى أواخر العشرينات ❄️🌪️ لكن جنوب الصعيد 36 درجة 🔥
اول ايام العيد يوم 30 متوقع الحرارة فى أواخر العشرينات ❄️
باقي ايام العيد النماذج الجوية ما زالت مختلفة فى التوقعات بالنسبة للأمطار و الحرارة يعنى
النموذج الأمريكى بيتوقع أمطار رعدية بشرق مصر يعنى البحر الاحمر و مدن القناه و سيناء يوم 29 إلى 31 مارس ⛈️🌪️
النموذج الأوروبى يتوقع أمطار رعدية بالبحر الأحمر و ساعات بيتوقع حدوثها على جنوب الصعيد زى اسوان و قنا و الاقصر و تحديث الصبح كان بيتوقع منخفض جوى على شمال مصر و أمطار بشمال مصر لكن التحديثات متغيرة جدا ⛈️🌪️
بداية شهر 4 مش هقوله دلوقتي خالص أنا قولت اعرفكم توقعات لحد اخر الشهر الحالى و المتوقع حدوثه حتى الآن و متوقع اول ايام العيد أجواء مائلة للحرارة لكن أجواء الصبح باردة ❄️
نصيحتى و رأى الشخصي بلاش تخفيف ملابس لأن شهر 4 ممكن يحصل منخفض جوى تانى أو ممكن فى اى وقت البرودة ترجع محدش يستعجل و يخفف الملابس لسة شوية و الجو مش مستقر
